ترى آلعمر مثل القمر طل ثم غآأإأآب ..

دنياك تلبس لك عبايه وجلباب
وتخفي غدر سود الليال وجفاها..




شفت القمر يوم اكتمل صار جذاب
نور ليال(ن) مظلمه في سماها..




ترى العمر مثل القمر طل ثم غاب
أغنم حياتك لا تكدر صفاها..




حافظ على الطاعه قبل يقفل الباب
ثم يتبين صحها من خطاها..




اليوم فعل الطيب راعيه ما خاب
عند الرجال اللي بعيد(ن) مداها..




الطيب يبقى يا فتى الجود لو شاب
في شجرة(ن) سيل المكارم سقاها..




والبيت ما يبنى بلا أوتاد وأطناب
ومن لا بنى يسكن مذاري هواها ..


آتمنى ان يعجبكم