أسآليب البنآت في المسن

السلآم عليكمـ ..

هاذي اساليب البنات في المسن

العاقله!!
لما تفتح ماسنجرها ماتتكلم مع احد.. تنتظر الكل يرحب بيها وهي تبتسم وتكول شكرا..
واذا احد ارسل الها صوره او رابط انشوده حطتله علامة استفهام وتسكت نص ساعه ماتكلمه..
ولما تكون متحمسه بالكلام.. تكتب كل كلمة بسطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت كلش فرحانة تحط 3ابتسامات.

المصلحجية!!
ماتسلم عليك الا مرة بالشهر.. تدخل عليك فجأه وتحطلك ورده.. مع انها كل يوم متواجده وساكته..
وتستخدم مشغول او بالخارج.. واذا احتاجت مساعدة تجيك وتسلم عليك وتكول وينك من زمان ماشفتك؟
تره اختي كل يوم تفتح ماسنجري واوصيها تبلغك السلام لاني مشغووولة كلش بالدراسة.. وبعد ماتخلص مصلحتها تكولك عن اذنك اروح اكمل دراستي واختي تقعد مكاني لتتكلم معها بليز

الرسميـة!!
ترتب المجموعات الى قسم العائله و قسم الزملاء فقط.. طبعا مافيه قسم اصدقاء.. واغلب كلامها مثل.. احترم نفسك..
رجاءا هاذي امور خاصة فيني .. ولما تسالها شخبارك؟ ترد انا بخير وتسكت.. واذا سلمت عليها ترد وعليكم السلام وتسكت..
ولما تنطيها اهداء تكولك شمعنا اني بالذات؟؟ . واغلب وقتها تقرا مواضيع بالمنتديات
بقسم الرأي الاخر.. وتعشق برنامج الاتجاه المعا**.

المحششه!!
هاذي كل سوالفها ضحك.. وكل شويه تكتب نكته وتضحك لحالها.. وضحكتها طويله تقريبا 3 سطور..
واغلب كلامها بالصور.. تستخدم كل صور الماسنجر وغلطاتها الاملائية كثيرة.. وتجمع عدة اشخاص بصفحة وحده.. وتتكلم عن 3 مواضيع بوقت واحد..
وكل شويه تغير الصورة الجانبيه.. والتوبك.. ولون الخط

ام بطـــن!!
طباخة ممتازة وتحب تسولف عن الاكل.. ودائما جوعانه.. ونقطة ضعفها جواهر والاندومي.. وقبل موعد العشا بساعه يكون مزاجها متعكر ودايخه و تسولف من غير نفس..
ولما يصيحوها للعشا تقفل الماسنجر بسرعة البرق.. وعادة يكون لنكها فراولة او شوكولاته أنيقة او رمانه مخصرة..
ودائما تتكلم عن تجاربها الفاشلة بالريجيم هع.. مستحيل تشوفها بالنهار لان الجو حار.. اوقاتها من العصر و فوق.
دمها خفيف ومرهفة المشاعر وأقل موقف ممكن يبجيها.

البريئــة!!
عمرها يكبر وعقلها مايتغير.. بعدها طفله وعلى نياتها.. تثق بكل الناس وبسرعة تتأثر.. وكل يوم تسألك شقد عمرك؟
تعشق سبيس تون وبينك بانثر و تحب تسولف عن الأزياء والتسريحات.. تتواجد العصر و المغرب لانه تنام من وقت.. ماعدا يوم الخميس طبعا هع
شعارها الدنيا حلوة.. احيانا تجيك سكتة قلبية من غبائها ومع ذلك هيه الاولى عالمدرسه.. لو قلت لها اسرارك تفضحك بكل المنتديات..
تخاف من الأرنب والقطه و أي شي يمشي على اربع ارجل.. حتى انت لو تمشي على اربع تخاف منك هع.

الشينـــة!!

تجي للماسنجروتقول اسمي فلانه .. ودائما تنتقد و مايعجبها العجب.. واذا شافتك مشغول تشتمك وتتعارك وياك
تشبه السنفور الغضبان كلشي يضايقها وكلشي يزعلها..
.. ماتعرف تجامل وماتمدح الا نفسها.. دائما توصف نفسها بالجمال والرشاقه..
تختار اسماء مثل الدلوعة.. الفاتنة.. الماسة.. ألاميرة.. إلخ

انتظر ردوركم العسل

يسملو البنات اشكال وأنوع

وأنا شكلي غير <مغروره هههههه

يسلموو ع الموضوع ياجرح
وعلى فكره مو ردودنا عسل موضوعك هو العسسسل ..

دمتي

أختك:
نسوم

» موآقف البنآت في النظره الشرعيه ..